Inissiarsuarni ikiorti - Nuussuaq

Nuussuarmi inissialeriffitsinni marlunnik suleqatissarsiorpugut.

Inissiarsuarni ikiortitut attartortutsinnut pitsaanerpaamik sullisseqataassaasi.

Inissiarsuarmi ikiortip suliassai pingarnerit tassaapput attartortut sullinnissaat illuni inissianilu suliassat najugaqarfinnilu suliassat nalinginnaasut suliarissallugit. Taakkua saniatigut suliassaralugit:

•Najugaqartut aqqutaat ataatsimoorlutillu atugaat saligaatsuutillugit aputaajartarlugillu - biilernermut allagartaqaruit ukiumi aputaajaatertarnissat naatsorsuutigisinnaavat

•Teknikkikkut atortut nakkutigalugit

•Assassorluni suliassat annikinnerit suliarisarlugit

Suliassaq suugaluarpat pimoorussineq akisussaassuseqarnerlu

Iliuuseqarluni suliaqartarnissamut misilittagaqarlusilu assassugassanut pikkoriffeqassaasi, sullissillaqqissuussaasi suliassanullu allanngorartunut tamatigoortumik isiginnittaaseqassallusi. Aamma:

•Namminersullaqqillusilu suleqateqallaqqissuussaasi

•Suliartortuartuullusi

•Silami sulinissamik inunnillu attaveqarnissamut nuannarisaqassaasi

•Biilernermut allagartaqarnissaq piumasaqaataanngilaq, allagartaqaraannili iluaqutaasinnaavoq

Suliffeqarfik pilerinartoq

Ataavartumik suliffeqarfitsinni pilerinarsaaruteqartarpugut, soorlu immikkut sulinngiffeqarfissiilluta, qasujaallisarnernut peqqinnissakkullu sillimasiinernut tapiissuteqartarluta.

2026-mi piareersaatitut sammivarput sulinermik sivikillisaanissarput, sap.ak. sulisarnissaq akunnerit 37-iinnanngorlutik.

INI-mi piginnaanngorsaanissanut ukkissisorujussuuvugut pimoorussilluta taamaattumik neqeroorutigaarput suliffeqarfik sulinikkut inuttullu ineriartornissamut periarfissiisoq.

Suliffeqarfik neqerooruterput sulisoqarpoq suliffimminnik iluarisimaarinnittunik. Sulisutta akornanni nuannersumik silaannaqarnissaa pingaartipparput akimortumillu suleqatigiittoqarluartarnissaa.

Naleqartitagut ukkassagut: Akisussaaffeqarneq, pimoorussisuunissaq, ataqqinnittuunissaq, pikkorissuunissaq.

Atorfimmi atugassarititat:

Inissiarsuarni ikiortitut atorfimmut Naalakkersuisut, Skatteministeriap SIK-llu sulisartut suliamik ilinniagallit ilinniagaqanngitsullu qaammammusiallit pillugit isumaqatigiissutaat atorlugu atorfinitsitsisoqassaaq. Atorfimmut inissaqartitsisoqanngilaq.

Sulilerfissaq:

1. novemberi 2026, immikkulluunniit isumaqatigiissuteqarnikkut.

Atorfik soqutigaaguk?

Atorfik pillugu annerusumik paasisaqarsinnaavutit ingerlatsinermut aqutsisoq Peter Hardenberg Davidsen attavigalugu uunga tlf. 36 31 01.

Qinnuteqaatit CV-it pappilissallu attuumassuteqarsinnasut pineqaatissinneqarsimannginnermik uppernarsaat ilanngullugu tigoreersimassavagut 16. novemberi 2026.

Tusagaqarfiginissat qilanaaraarput.

 INI

Sulisoqarnermut Immikkoortortaq

Postboks 1020

3911 Sisimiut

E-mail: job@ini.gl