Erninermut atatillugu sulinngiffeqartoqarnerani najugaqartunut siunnersortitut vikari - INI Sisimiut

Attartortitsinermi immikkoortortaqarfitsinni 15-inik sulisoqarpoq: Attartitsinermi pisortap ataaniittut najugaqartunut siunnersortit aqqaneq-marluk, teamlederi ataaseq aamma attartortitsinermut siunnersorti ataaseq. Attartortitsisarfimmi inissianik, Namminersorlutik Oqartussanit Kommuneniillu pigineqartunik allaffissuussineq ingerlapparput.

Digitaliseeriineq ukkapparput, taamaammat allanngortiterinermi naleqqussarsinnaaneq pingaaruteqarpoq, ilutsinni periutsigut ingerlaavartumik pitsanngorsartaratsigit.

Allaffissuussinermut tunngasumik tulluartumillu ilinniagaqarnerit naatsorsuutigaarput, atorfinnit assingusunit allanit misilittagaqareersuusinnaavutit. Suleqateqallaqqissuuvutit, iliuuseqartartuullutit, suliannut pimoorussisuullutit ulluinnarnilu ulapaarnermi suliassanik tamakkiisumik isiginnissinnaasuullutit.

Immikkoortortaqarfimmi suliassatit ukuupput:

• Inissiat inoqanngikkallartut aqunnissaat
• Innersuussineq
• Attartornermi isumaqatigiissutinik suliarinninneq
• Iserternerit
• Nutsernermi naatsorsuineq
• Naammagittaalliutinik suliarinninneq
• Sulianik nassuiaaneq
• Attartortunut sullissineq
• Paasissutissanik suliarinninneq
• Ad hoc suliassat

Pitsaassuseqartumik akisussaassuseqartumillu pimoorussineq suliassap suunera apeqqutaatinnagu

Sullitanut siunnersortimik uummaarissumik sullissilluarusuttumik, assingusumillu sullissinermik misilittagalimmik pissarsiorpugut.

• Nassuiaallaqqissuuvutit aammalu kalaallisut qallunaatullu allakkatigut oqalunnertigullu piginnaasaqarfigaatit
• Allanngortitsinissamut piareersimasuuvutit uummaarissuullutillu
• Tamanut sullissilluarnissaq pingaartitarivat, allaffimmi sulisut akornanni sullitanullu avataaneersunut
• Aningaasaqarnermut paasisimasaqarluartuuvutit kisitsisilerillaqqissuullutillu
• Inatsisit pulaffigilluarsinnaavatit allakkiorsinnaallutillu
• Qarasaasiatigut sakkussat assigiinngitsut atorsinnaalluarpatit
• Aaqqiissutissanut tappipputit, akisussaassuseqarputit ataqatigiilersitsisinnaallutillu

Taakku saniatigut aamma naatsorsuutigaarput:

• Suliassat piffissaq eqqorlugit suliarisinnaassagitit
• Suliffiup aaqqissuussaaneranut akuulluartutut imminut isigissasutit taamaattumillu suleqatikkuminartuullutit
• Pitsaasumik suleriuseqarnermik pingaartitsisuusutit

Uagutsinnut ilanngugit

Sulisutta naammagisimaarinninnerat qaffasippoq, suliffeqarfik tamaat isigalugu suliffimmik nuannarinninneq annertulluni. Taassuma saniatigut suliat assigiinngitsut akornanni suleqatigiinnissaq ukkatarineqarpoq, taamaammat suliffik avitseqatigiiffiusoq unammillernartorlu kiisalu suliatigut inuttullu ineriartorfiusoq neqeroorutigisinnaavarput. Suliffiup avatangiiserissuunissaa pingaartitaraarput qeratasuumillu pissusilersortuunata.

Atorfimmi atugassarititaasut:

Kontorfuldmægtigitut qaffasissusilimmik Namminersorlutik Oqartussat SIK-llu akunnerminni isumaqatigiissutaat malillugu atorfinitsitsisoqassaaq. Atorfimmut atatillugu inissamik innersuussisoqarsinnaanngilaq.

Sulilernissaq:

1. maj 2026 isumaqatigiissutaasorluunniit aallaavigalugu.

Atorfik soqutigaajuk?

Atorfik pillugu annerusumik paasisaqarsinnaavutit attartortitsinermi pisortaq Sara Lyberth attavigalugu mailimut sly@ini.gl.

Qinnuteqaatit, CV, pinerluuteqarsimannginnermut uppernarsaat pappilissallu attuumassuteqarsinnaasut allat tigoreersimassavagut kingusinnerpaamik 20. marts 2026.

Tusarfiginissat qilanaaraarput.

INI

HR-afdelingen

Postboks 1020

3911 Sisimiut

E-mail: job@ini.gl