Driftschef - INI Nuuk

Ingerlatsinermut aqutsisutut Nuummi Paamiunilu najugaqarfinnut allaffissuussatsinnut ingerlatsineq inissialerinerillu akisussaaffigissavatit.

Pingaarnertut suliassarissavatit, sulisunut aqutsineq, suliassanik nakkutiginninneq, siunnersuineq oqartussaasunullu attaveqarneq. Akisussaaffeqarfigisassappit ilai makkuupput:

• Nuummi paamiunilu teknikeri 1, nakkutilliisut 3, inissiarsuani nakkutilliisut 5 aammalu inissiarsuani ikiortit 12 aqutsisuuffigalugit
• Najoqqutami anguniakkanik aalajangingassanillu atuutsilersitsillutillu naammassiniaaneq
• Ineqarnermut tunngasunik kiffartuussineq siunnersuinerlu
• Aningaasanik aqutsineq, ilaatigut akiligassat akuerineqarnerat aamma missingersuutinik suliaqarneq/nakkutiginninneq
• Inissiat allaffissuunneqartut qanoq innerat, aningaasaqarniarnerat pitsaassusiallu pillugit nalunaarusiortarneq
• Inissianik iluarsaassinermut aserfallatsaaliuinermullu maalaarutit isumagalugit
• Oqartussaasunut, soorlu kommunini teknikkikkut immikkoortortaqarfinnut INI-mullu ineqarnermut immikkoortortaqarfinnut attuumassuteqartunut allanut attaveqarneq
• Najugaqartut oqartussaaqataanerat ineqarnermilu isumaginninnermut tunngasut suliassat
• Piffissap ilaani suliassat

Suliassaq suugaluarpat pimoorussineq akisussaassuseqarnerlu

Attuumassutilimmik ilinniagaqarsimasuussaatit, ukiuni arlalinni suliffimmi misilittagaqarlutit, aqutsisututtaaq misilittagaqartuussaatit allagartaqarlutillu, qitiusumik ingerlatsisuussaatit ataatsimuulersitsisuullutillu attartortunut piginnittunullu pitsaasumik kiffartuusserusuttoq. Kissaatigaarputtaaq uku piginnaaneqarfigissagitit:

• Iliuuseqallaqqissoq, anguniagalik, aqutsinermi suliassanik unammillernartunik isumaginnissinnaasoq
• Ingerlatsinermut kiffartuussinermullu aningaasaqarnertaatigut silassorillunilu paasisimasalik
• Inatsisit sinaakkutigalugit suliaqarnermik misilittagalik
• Allannikkut oqalullunilu kalaallisut qallunaatullu attaveqatigiilluarsinnaasoq
• Suliassanik naammassinninniarnermi suleqatigiilluarsinnaasoq

Suliffeqarfik pilerinartoq

Ataavartumik suliffeqarfitsinni pilerinarsaaruteqartarpugut, soorlu immikkut sulinngiffeqarfissiilluta, qasujaallisarnernut peqqinnissakkullu sillimasiinernut tapiissuteqartarluta.

2026-mi piareersaatitut sammivarput sulinermik sivikillisaanissarput, sap.ak. sulisarnissaq akunnerit 37-iinnanngorlutik.

INI-mi piginnaanngorsaanissanut ukkassisorujussuuvugut pimoorussilluta taamaattumik neqeroorutigaarput suliffeqarfik sulinikkut inuttullu ineriartornissamut periarfissiisoq.

Suliffeqarfik neqerooruterput sulisoqarpoq suliffimminnik iluarisimaarinnittunik. Sulisutta akornanni nuannersumik silaannaqarnissaa pingaartipparput akimortumillu suleqatigiittoqarluartarnissaa.

Naleqartitagut ukkassagut: Akisussaaffeqarneq, pimoorussisuunissaq, ataqqinnittuunissaq, pikkorissuunissaq.

Atorfininnermi atugassarititat:

Piginnaanitit aallaavigalugit akissarsiaqartitaallutillu atorfinitsitaassaatit. Atorfininninnut atatillugu nuunnissat pigisavillu assartuunnissai pisinnaatitaaffigaatit. Malittarisassat malillugit inissaqartitsisoqarsinnaavoq.

Sulilernissaq:

1. juli 2026-miit imal. isumaqatigiissuteqarnikkut aalajangikkamik

Atorfik soqutigaajuk?

Atorfik annerusumik paasisaqarfigerusukkukku Teknikkeqarnermut pisortaq Michael Renner Petersen attavigisinnaavat, ugguuna tlf. 59 13 30 imal. mailikkut mrp@ini.gl

Qinnuteqaatit CV-it pappilissallu attuumassuteqarsinnasut, pinerlisimannginnermut uppernarsaat ilanngullugu kingusinnerpaamik tigoreersimassavagut ulloq 26. maj 2026.

Tusarfiginissat qilanaaraarput.

INI

HR-afdelingen

Postboks 1020

3911 Sisimiut